ktouch-data 4:4.8.4-1 / usr / share / kde4 / apps / ktouch / Lecture / Latin / la.ktouch.xml

<?xml version="1.0" encoding="UTF-8"?>
<KTouchLecture>
 <Title>Latin</Title>
 <Comment>Contributed by Diego Giordani</Comment>
 <FontSuggestions>Monospace</FontSuggestions>
 <Levels>
  <Level>
   <NewCharacters>DE BELLO CIVILI III-82</NewCharacters>
   <Line>Pompeius paucis post diebus in Thessaliam pervenit contionatusque </Line>
   <Line>apud cunctum exercitum suis agit gratias, Scipionis milites cohortatur, </Line>
   <Line>ut parta iam victoria praedae ac praemiorum velint esse participes,</Line>
   <Line>receptisque omnibus in una castra legionibus suum cum Scipione honorem</Line>
   <Line>partitur classicumque apud eum cani et alterum illi iubet praetorium tendi.</Line>
   <Line>Auctis copiis Pompei duobusque magnis exercitibus coniunctis pristina</Line>
   <Line>omnium confirmatur opinio, et spes victoriae augetur, adeo ut,</Line>
   <Line>quicquid intercederet temporis, id morari reditum in Italiam</Line>
   <Line>videretur, et si quando quid Pompeius tardius aut consideratius</Line>
   <Line>faceret, unius esse negotium diei, sed illum delectari imperio</Line>
   <Line>et consulares praetoriosque servorum habere numero dicerent.</Line>
   <Line>Iamque inter se palam de praemiis ac de sacerdotiis contendebant</Line>
   <Line>in annosque consulatum definiebant, alii domos bonaque eorum</Line>
   <Line>qui in castris erant Caesaris, petebant; magnaque inter eos</Line>
   <Line>in consilio fuit controversia, oporteretne Lucili Hirri,</Line>
   <Line>quod is a Pompeio ad Parthos missus esset, proximis comitiis</Line>
   <Line>praetoriis absentis rationem haberi, cum eius necessarii fidem</Line>
   <Line>implorarent Pompei, praestaret, quod proficiscenti recepisset,</Line>
   <Line>ne per eius auctoritatem deceptus videretur, reliqui,</Line>
   <Line>in labore pari ac periculo ne unus omnes antecederet, recusarent.</Line>
  </Level>
  <Level>
   <NewCharacters>DE BELLO CIVILI III-83</NewCharacters>
   <Line>Iam de sacerdotio Caesaris Domitius, Scipio Spintherque Lentulus</Line>
   <Line>cotidianis contentionibus ad gravissimas verborum contumelias palam</Line>
   <Line>descenderunt, cum Lentulus aetatis honorem ostentaret, Domitius</Line>
   <Line>urbanam gratiam dignitatemque iactaret, Scipio affinitate Pompei</Line>
   <Line>confideret. Postulavit etiam L. Afranium proditionis exercitus</Line>
   <Line>Acutius Rufus apud Pompeium, quod gestum in Hispania diceret.</Line>
   <Line>Et L. Domitius in consilio dixit placere sibi bello confecto</Line>
   <Line>ternas tabellas dari ad iudicandum eis, qui ordinis essent</Line>
   <Line>senatorii belloque una cum ipsis interfuissent, sententiasque</Line>
   <Line>de singulis ferrent, qui Romae remansissent quique intra</Line>
   <Line>praesidia Pompei fuissent neque operam in re militari</Line>
   <Line>praestitissent: unam fore tabellam, qui liberandos</Line>
   <Line>omni periculo censerent; alteram, qui capitis damnarent;</Line>
   <Line>tertiam, qui pecunia multarent. Postremo omnes aut de</Line>
   <Line>honoribus suis aut de praemiis pecuniae aut de persequendis</Line>
   <Line>inimicitiis agebant nec, quibus rationibus superare</Line>
   <Line>possent, sed, quemadmodum uti victoria deberent, cogitabant.</Line>
  </Level>
  <Level>
   <NewCharacters>DE BELLO CIVILI III-94</NewCharacters>
   <Line>Sed Pompeius, ut equitatum suum pulsum vidit atque eam partem,</Line>
   <Line>cui maxime confidebat, perterritam animadvertit, sibi allisque</Line>
   <Line>diffisus acie excessit protinusque se in castra equo contulit</Line>
   <Line>et eis centurionibus, quos in statione ad praetoriam portam</Line>
   <Line>posuerat, clare, ut milites exaudirent, &quot;tuemini&quot;, inquit,</Line>
   <Line>&quot;castra et defendite diligenter, si quid durius acciderit.</Line>
   <Line>Ego reliquas portas circumeo et castrorum praesidia confirmo&quot;.</Line>
   <Line>Haec cum dixisset, se in praetorium contulit summae rei</Line>
   <Line>diffidens et tamen eventum exspectans.</Line>
  </Level>
  <Level>
   <NewCharacters>DE BELLO CIVILI III-96</NewCharacters>
   <Line>In castris Pompei videre licuit trichilas structas,</Line>
   <Line>magnum argenti pondus expositum, recentibus caespitibus</Line>
   <Line>tabernacula constrata, Lucii etiam Lentuli et nonnullorum</Line>
   <Line>tabernacula protecta edera, multaque praeterea, quae</Line>
   <Line>nimiam luxuriam et victoriae fiduciam designarent, ut</Line>
   <Line>facile existimari posset nihil eos de eventu eius diei</Line>
   <Line>timuisse, qui non necessarias conquirerent voluptates.</Line>
   <Line>At hi miserrimo ac patientissimo exercitui Caesaris</Line>
   <Line>luxuriam obiciebant, cui semper omnia ad necessarium</Line>
   <Line>usum defuissent. Pompeius, iam cum intra vallum nostri</Line>
   <Line>versarentur, equum nactus, detractis insignibus imperatoris,</Line>
   <Line>decumana porta se ex castris eiecit protinusque equo citato</Line>
   <Line>Larisam contendit. Neque ibi constitit, sed eadem</Line>
   <Line>celeritate, paucos suos ex fuga nactus, nocturno itinere</Line>
   <Line>non intermisso, comitatu equitum XXX ad mare pervenit</Line>
   <Line>navemque frumentariam conscendit, saepe, ut dicebatur,</Line>
   <Line>querens tantum se opinionem fefellisse, ut a quo</Line>
   <Line>genere hominum victoriam sperasset, ab eo initio fugae</Line>
   <Line>facto paene proditus videretur.</Line>
  </Level>
 </Levels>
</KTouchLecture>